លោក ប៊ុត បូ វណ្ណារ័ត្ន អភិបាលរងខណ្ឌឫស្សីកែវ តំណាងលោក ជិន ប៊ុនធឿន អភិបាល នៃគណៈអភិបាលខណ្ឌឫស្សីកែវ បានអញ្ជើញចូលរួមក្នុងពិធី ឧបត្ថម្ភអំណោយដល់ជនរងគ្រោះដោយអគ្គីភ័យកាលពីថ្ងៃទី ១៦ ខែវិចិ្ឆកា ឆ្នាំ២០២៥ ចំនួន ១៩គ្រួសារ ...

(ភ្នំពេញ): នាថ្ងៃចន្ទ ៤កើត ខែមិគសិរ ឆ្នាំម្សាញ់ សប្តស័ក ព.ស.២៥៦៩ត្រូវថ្ងៃទី២៤ ខែវិច្ឆិកា ឆ្នាំ២០២៥នេះ 

លោកប៊ុត បូ វណ្ណារ័ត្ន អភិបាលរងខណ្ឌឫស្សីកែវ តំណាងលោក ជិន ប៊ុនធឿន អភិបាល នៃគណៈអភិបាលខណ្ឌឫស្សីកែវ បានអញ្ជើញចូលរួមក្នុងពិធី ឧបត្ថម្ភអំណោយដល់ជនរងគ្រោះដោយអគ្គីភ័យកាលពីថ្ងៃទី ១៦ ខែវិចិ្ឆកា ឆ្នាំ២០២៥ ចំនួន ១៩គ្រួសារ នៅភូមិទួលគោក សង្កាត់ ទួលសង្កែទី១ ខណ្ឌឫស្សីកែវ រាជធានីភ្នំពេញ។ 

ដែលជាអំណោយសាលាអនុគណខណ្ឌឫស្សីកែវ ក្រោមអធិបតីភាព ព្រះគ្រូរតនប្បជ្ជោតិ ខឹម សម្បត្តិ ព្រះអនុគណខណ្ឌឬស្សីកែវ និងជាព្រះចៅអធិការវត្ត ញាណរង្សី រួមទាំងព្រះចៅអធិការទាំង៤វត្តក្នុងខណ្ឌឫស្សីកែវ ។

អំណោយក្នុង១គ្រួសារទទួលបាន

១. អង្ករ ២៥គីឡូក្រាម

២. មី ១កេស

៣. ទឹកស៊ីអ៊ីវ ១យួរ

៤. ទឹកត្រី ១យួរ

៥. ត្រីខ ១យួរ

៦. បច្ច័យ ២០០,០០០៛ (ពីរសែនរៀលគត់)៕